ଭାରତର ଡିଜିଟାଲ ଷ୍ଟ୍ରାଇକକୁ ଆମେରିକାର ପ୍ରଶଂସା

ୱାଶିଂଟନ: ଚାଇନା ଉପରେ ଭାରତ ସରକାରଙ୍କ ଏହି ଡିଜିଟାଲ ଷ୍ଟ୍ରାଇକକୁ ଆମେରିକା ଜୋରଦାର ପ୍ରଶଂସା କରିଛି। ଆମେରିକାର ପରରାଷ୍ଟ୍ର ସଚିବ ମାଇକ ପୋମ୍ପେଓ କହିଛନ୍ତି, ଭାରତର କ୍ଲିନ ଆପ୍‌ ଆଭିମୁଖ୍ୟ ନୂଆଦିଲ୍ଲୀର ସାର୍ବଭୌମତ୍ୱ, ଅଖଣ୍ଡତା ଓ ଜାତୀୟ ସୁରକ୍ଷାକୁ ଅଧିକ ସଶକ୍ତ କରିବ। ନିଜର ସୁରକ୍ଷା ପାଇଁ ଭାରତ ଏଭଳି କରିଛି। ଆମେରିକା ଭାରତର ଆପ୍‌ ବ୍ୟାନ୍‌ ନିଷ୍ପତ୍ତିକୁ ସ୍ୱାଗତ କରୁଛି ବୋଲି ସେ କହିଛନ୍ତି।

ଭାରତ ସରକାର ତଥ୍ୟ ଚୋରି ଅଭିଯୋଗରେ ଟିକଟକ, ହେଲୋ, ୟୁସି ବ୍ରାଉଜର ଭଳି ୫୯ଟି ଚାଇନିଜ ଆପକୁ ଦେଶରେ ବ୍ୟାନ୍‌ କରିଥିଲେ। ତେବେ ଟିକଟକାର ଭାରତ ମୁଖ୍ୟ ନିଖିଲ ଗାନ୍ଧି ତଥ୍ୟ ଚୋରି ଅଭିଯୋଗକୁ ଖଣ୍ଡନ କରିଛନ୍ତି। ସେ କହିଛନ୍ତି, ଟିକଟକ କେବେ ହେଲେ ବ୍ୟବହାରକାରୀଙ୍କ ତଥ୍ୟ କୌଣସି ବିଦେଶୀ ରାଷ୍ଟ୍ର କିମ୍ବା ଚାଇନା ସରକାରଙ୍କୁ ଦେଇନାହିଁ।

ମତାମତ ଦିଅନ୍ତୁ ।