କର୍ଣ୍ଣାଟକ ସରକାରୀ ହସ୍ପିଟାଲ୍‌ରେ ଅକ୍ସିଜେନ୍‌ ଅଭାବରୁ ୨୪ ମୃତ

0

ବେଙ୍ଗାଲୁରୁ : ରବିବାର ମଧ୍ୟରାତ୍ରୀରୁ ସୋମବାର ସକାଳ ମଧ୍ୟରେ କର୍ଣ୍ଣାଟକର ଏକ ସରକାରୀ ଡାକ୍ତରଖାନାରେ ୨୪ଜଣ କରୋନା ରୋଗୀଙ୍କର ମୃତ୍ୟୁ ଘଟିଛି। ଅକ୍ସିଜେନ୍‌ ଅଭାବ ଓ ଅନ୍ୟାନ୍ୟ କାରଣରୁ ଏପରି ଘଟଣା ଘଟିଥିବା କୁହାଯାଉଛି।

ଏକ ଜାତୀୟସ୍ତରୀୟ ସମ୍ବାଦ ସରବରାହ ସଂସ୍ଥାନ ରିପୋର୍ଟ ଅନୁଯାୟୀ ଗତ ୨୪ ଘଣ୍ଟା ମଧ୍ୟରେ ଚାମରାଜନଗରସ୍ଥିତ ଜିଲ୍ଲା ହସ୍ପିଟାଲ୍‌ରେ ଚିକିତ୍ସିତ ହେଉଥିବା ରୋଗୀମାନେ ଅକ୍ସିଜେନ୍‌ ଅଭାବ ଓ ଅନ୍ୟାନ୍ୟ କାରଣ ଯୋଗୁଁ ମୃତ୍ୟୁ ବରଣ କରିଛନ୍ତି। ରାତି ପ୍ରାୟ ୧୧.୪୫ରେ ରୋଗୀମାନଙ୍କୁ ଦିଆଯାଉଥିବା ଅକ୍ସିଜେନ୍‌ ସରିଯାଇଥିବା କୁହାଯାଉଛି। ପ୍ରାଥମିକ ଅନୁସନ୍ଧାରୁ ଜଣାପଡ଼ିଛି ଅକ୍ସିଜେନ୍‌ ବଣ୍ଟନ ନେଟ୍‌ୱାର୍କ ମହୀଶୂରରୁ ଠିକଣା ସମୟରେ ଏହି ଜିଲ୍ଲା ହସ୍ପିଟାଲ୍‌ରେ ଅକ୍ସିଜେନ୍‌ ପହଞ୍ଚି ପାରିନଥିଲା।

ଜିଲ୍ଲା ଭାରପ୍ରାପ୍ତ ମନ୍ତ୍ରୀ ସୁରେଶ କୁମାର କହିଛନ୍ତି ଆମେ ମୃତ୍ୟୁ ଅଡିଟ୍‌ ରିପୋର୍ଟକୁ ଅପେକ୍ଷା କରିଛୁ। କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ୍‌‌ ୟେଦିୟୁରପ୍ପା ଚାମରାଜନଗର ଜିଲ୍ଲା କଲେକ୍ଟର୍‌ଙ୍କ ସହ ଏନେଇ କଥାବାର୍ତ୍ତା କରିଛନ୍ତି। ଏଭଳି ଦୁଃଖଦ ଘଟଣା କ’ଣ ପାଇଁ ଘଟିଲା ତାହାର ତଦନ୍ତ ଲାଗି ଜରୁରୀ କ୍ୟ‌ାବିନେଟ୍‌ ବୈଠକ ଡକାଇଛନ୍ତି।

Leave A Reply

Your email address will not be published.