ପୁରୀରୁ ଦୁଇଟି ସ୍ୱତନ୍ତ୍ର ଟ୍ରେନ ଯୋଧପୁର ଓ ଆଜମେର୍‌କୁ ଚଳାଚଳ କରିବ

ଭୁବନେଶ୍ୱର : ପୁରୀରୁ ଯୋଧପୁର ଓ ଆଜମେର୍‌ ମଧ୍ୟରେ ଦୁଇଟି ସ୍ୱତନ୍ତ୍ର ରେଳ ଚଳାଚଳ କରିବ। ଭାରତୀୟ ରେଳବାଇ ଏହି ନିଷ୍ପତ୍ତି ନେଇଥିବା ଜଣାପଡ଼ିଛି।

ଆସନ୍ତା ୨୦ ତାରିଖ ଠାରୁ ପ୍ରତି ବୁଧବାର ଅପରାହ୍ଣ ୪.୦୫ରୁ ‘ପୁରୀ-ଯୋଧପୁର-ପୁରୀ’ ସ୍ୱତନ୍ତ୍ର ରେଳ ପୁରୀରୁ ଯାତ୍ରା ଆରମ୍ଭ କରିବ। ସେହିପରି ଜାନୁଆରି ୨୩ ତାରିଖ ଅପରାହ୍ଣ ୨ଟା ୧୫ରୁ ପ୍ରତି ଶନିବାର ଏହି ଟ୍ରେନ ଯୋଧପୁରରୁ ପୁରୀ ଅଭିମୁଖେ ଆସିବ। ଯାତାୟାତ ସମୟରେ ଏହି ଟ୍ରେନ୍‌ ପୂର୍ବତଟ ରେଳ ଅନ୍ତର୍ଗତ ଖୋର୍ଦ୍ଧା ରୋଡ୍‌, ଭୁବନେଶ୍ୱର, କଟକ, ଢେଙ୍କାନାଳ, ତାଳଚେର ରୋଡ୍‌, ଅନଗୁଳ, ରେଢ଼ାଖୋଲ, ସମ୍ବଲପୁର, ଝାରସୁଗୁଡ଼ା ରୋଡ୍‌ ସମେତ ରାୟଗଡ଼, ବିଳାସପୁର, ରାୟପୁର, ଦୁର୍ଗ, ରାଜନନ୍ଦଗାଁଓ, ଗୋନ୍ଦିଆ, ନାଗପୁର, ହବିବଗଞ୍ଜ, ଭୋପାଳ, ଉଜ୍ଜୟିନୀ ଓ ଜୟପୁରରେ ଆଦି ଷ୍ଟେସନରେ ଅଟକିବ।

ସେହିପରି ଜାନୁଆରି ୨୧ ତାରିଖ ଠାରୁ ପ୍ରତି ସୋମବାର ଓ ଗୁରୁବାର ରାତି ୧୧.୦୫ରୁ ‘ପୁରୀ-ଆଜମେର-ପୁରୀ’ ସ୍ୱତନ୍ତ୍ର ରେଳ ପୁରୀରୁ ଯାତ୍ରା ଆରମ୍ଭ କରିବ। ଜାନୁଆରି ୨୬ ତାରିଖ ସନ୍ଧ୍ୟା ୬ଟା ୫୦ରୁ ପ୍ରତି ମଙ୍ଗଳବାର ଓ ଗୁରୁବାର ଆଜମେରରୁ ପୁରୀ ଅଭିମୁଖେ ଆସିବ। ଯାତାୟାତ ସମୟରେ ଏହି ଟ୍ରେନ୍‌ ପୂର୍ବତଟ ରେଳ ଅନ୍ତର୍ଗତ ଖୋର୍ଦ୍ଧା ରୋଡ୍‌, ଭୁବନେଶ୍ୱର, ଢେଙ୍କାନାଳ, ଅନଗୁଳ, ରେଢ଼ାଖୋଲ, ସମ୍ବଲପୁର, ବରଗଡ଼ ରୋଡ୍‌, ବଲାଙ୍ଗୀର, ଟିଟିଲାଗଡ଼, କଣ୍ଟାବଞ୍ଜି, ଖରିଆର୍‌ ରୋଡ୍‌ ମହାସମୁନ୍ଦ ସମେତ ରାୟପୁର, ଦୁର୍ଗ, ଗୋନ୍ଦିଆ, ନାଗପୁର, ଓ୍ଵାର୍ଦ୍ଧା, ଭୁସାବଲ, ଜଲଗାଁଓ, ସୁରତ, ବଡ଼ୋଦରା, ଅହମଦାବାଦ, ସାବରମତୀ, ଅବୁ ରୋଡ୍‌ ଭଳି ଗୁରୁତ୍ୱପୂର୍ଣ୍ଣ ଷ୍ଟେସନ୍‌ଗୁଡ଼ିକରେ ଅଟକିବ।

ମତାମତ ଦିଅନ୍ତୁ ।