ବିଭ୍ରାନ୍ତ କରିବାକୁ ଅଣାଯାଇଛି ଅନାସ୍ଥା ପ୍ରସ୍ତାବ : ଅମିତ ଶାହା
ନୂଆଦିଲ୍ଲୀ : ମଣିପୁର ପ୍ରସଙ୍ଗରେ ବିରୋଧୀଦଳ ଲୋକସଭାରେ ଆଣିଥିବା ଅନାସ୍ଥା ପ୍ରସ୍ତାବ ଉପରେ ଆଲୋଚନା ବେଳେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ବିରୋଧୀଙ୍କୁ କଡ଼ା ସମାଲୋଚନା କରିଛନ୍ତି। ଏହି ପ୍ରସ୍ତାବ ଦେଶରେ ବିରୋଧୀଙ୍କ ପ୍ରକୃତ ଚରିତ୍ରକୁ ଦର୍ଶାଇବ ବୋଲି ସେ କହିଛନ୍ତି।
ଅମିତ ଶାହା କହିଛନ୍ତି ମୋଦି ସରକାର ପରିବାରବାଦ ଓ ତୁଷ୍ଟୀକରଣକୁ ହଟାଇ ବିକାଶକୁ ପ୍ରାଥମିକତା ଦେଇଛନ୍ତି। ସରକାରଙ୍କ ଉପରେ ଜନସାଧାରଣଙ୍କର ନା ଗୃହର ଅବିଶ୍ୱାସ ଅଛି। ଆମେ କ୍ରମାଗତ ଦୁଇଥର ଦୁଇ ତୃତୀୟାଂଶ ସଂଖ୍ୟାଗରିଷ୍ଠତା ହାସଲ କରିଛୁ। ସେ କହିଲେ ସ୍ୱାଧୀନତା ପରେ ପ୍ରଧାନମନ୍ତ୍ରୀ ମୋଦିଙ୍କ ସରକାର ସବୁଠାରୁ ଅଧିକ ଲୋକଙ୍କ ବିଶ୍ୱାସ ଜିତିଛି। ଜନସାଧାରଣଙ୍କ ମଧ୍ୟରେ ସବୁଠାରୁ ଲୋକପ୍ରିୟ ନେତା ହେଉଛନ୍ତି ପ୍ରଧାନମନ୍ତ୍ରୀ ମୋଦି। ପ୍ରଧାନମନ୍ତ୍ରୀ ମୋଦୀ ଦେଶର ଲୋକଙ୍କ ପାଇଁ ଅକ୍ଳାନ୍ତ ପରିଶ୍ରମ କରୁଛନ୍ତି। ସେ ବିରତି ନନେଇ ଦିନକୁ ୧୭ ଘଣ୍ଟା ନିରନ୍ତର କାମ କରନ୍ତି। ଲୋକମାନେ ସେମାନଙ୍କ ଉପରେ ବିଶ୍ୱାସ କରନ୍ତି।
କଂଗ୍ରେସ ସାଂସଦ ରାହୁଲ ଗାନ୍ଧିଙ୍କ ନାମ ନ ନେଇ ସେ କହିଛନ୍ତି ଜଣେ ନେତାଙ୍କୁ ୧୩ ଥର ଲଞ୍ଚ୍ କରାଯାଇଥିଲେ ହେଁ ସବୁଥର ଯାକ ବିଫଳ ହୋଇଛନ୍ତି। ଯେଉଁ ମହିଳାଙ୍କ ଘରକୁ ରାହୁଲ ଗାନ୍ଧି ଖାଇବାକୁ ଯାଇଥିଲେ ତାଙ୍କର ମୋଦି ସରକାରଙ୍କ ଉପରେ ବିଶ୍ୱାସ ରହିଛି।
