ଭୁବନେଶ୍ଵର : ଯୁବତୀଙ୍କୁ ଲଭ୍, ସେକ୍ସ ଓ ଧୋକା ଦେବା ଅଭିଯୋଗରେ କଣ୍ଠଶିଳ୍ପୀ ଦେବେଶ ପତିଙ୍କୁ ନୟାପଲ୍ଲୀ ପୋଲିସ ଗିରଫ କରିଛି।
ଖବର ଅନୁଯାୟୀ ଭୁବନେଶ୍ୱର ନୟାପଲ୍ଲୀରେ ରହୁଥିବା ଦେବେଶ ଜଣେ ଯୁବତୀଙ୍କୁ ବିବାହ ପ୍ରତିଶ୍ରୁତି ଦେଇ ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ। ପରବର୍ତ୍ତୀ ସମୟରେ ଧୋକା ଦେବା ସହିତ ତାଙ୍କ ପାଖରୁ ଟଙ୍କା ନେଇଥିବା ଅଭିଯୋଗ ହୋଇଛି। ଏନେଇ ସମ୍ପୃକ୍ତ ଯୁବତୀ ନୟାପଲ୍ଲୀରେ ଥାନାରେ ଅଭିଯୋଗ କରିଥିଲେ। ପୋଲିସ ଦେବେଶଙ୍କୁ ପଚରାଉଚରା କରିବା ପାଇଁ ଡାକିଥିଲେ ମଧ୍ୟ ସେ ଆସିନଥିଲେ। ଯାହାଫଳରେ ସମାଧାନର କୌଣସି ବାଟ ବାହାରି ନଥିଲା। ପରେ ଯୁବତୀ ଥାନାକୁ ଆସି ଦେବେଶଙ୍କ ହ୍ୱାଟ୍ସଆପ୍ ଚାଟ୍, ଅନ୍ୟାନ୍ୟ ପ୍ରମାଣ ଦେଖାଇବାରୁ ପୋଲିସ ତାଙ୍କୁ ଗରଫ କରି କୋର୍ଟ ଚାଲାଣ କରିଥିବା ଜଣାପଡିଛି।
