ରାହୁଲ ତୁମେ ବିବାହ କର, ଆମେ ବରଯାତ୍ରୀ ଯିବୁ : ଲାଲୁ

ପାଟନା : ଆରଜେଡି ସୁପ୍ରିମୋ ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ଯାଦବ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ପରାମର୍ଶ ଦେଇଛନ୍ତି। ଲାଲୁ କହିଛନ୍ତି ସମୟ ଅତିବାହିତ ହୋଇନାହିଁ। ତୁମେ ବିବାହ କର, ଆମେ ବରଯାତ୍ରୀ ଯିବୁ।

ଲୋକସଭା ନିର୍ବାଚନ ପୂର୍ବରୁ ଏକାଠି ହେବାକୁ ଚେଷ୍ଟା କରୁଥିବା ବିରୋଧୀ ଦଳ ଆଜି ବିହାରର ପାଟନାରେ ଏକ ବୈଠକ କରିଥିଲେ। ଏଥିରେ ବିରୋଧୀ ଦଳର ନେତାମାନେ ଏକ ମିଳିତ ସାମ୍ବାଦିକ ସମ୍ମିଳନୀ କରିଥିଲେ ଯେଉଁଥିରେ ନୀତୀଶ କୁମାର, ରାହୁଲ ଗାନ୍ଧୀ, ମମତା ବାନାର୍ଜୀଙ୍କ ସମେତ ସମସ୍ତ ନେତା ଏକାଠି ନିର୍ବାଚନ ଲଢ଼ିବା ବିଷୟରେ ଆଲୋଚନା କରିଥିଲେ। ଏହି ସମୟରେ ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ମଜାଳିଆ ଶୈଳୀ ମଧ୍ୟ ଦେଖିବାକୁ ମିଳିଥିଲା।

ସାମ୍ବାଦିକ ସମ୍ମିଳନୀ ଲାଲୁ ରାହୁଲଙ୍କୁ ନେଇ ଏଭଳି କିଛି କଥା କହିଥିଲେ, ଯାହାକୁ ନେଇ ସମସ୍ତେ ହସିଥିଲେ। ରାହୁଲ ଗାନ୍ଧୀଙ୍କୁ ପ୍ରଶଂସା କରି ଲାଲୁ ଯାଦବ କହିଥିଲେ ରାହୁଲ ଗାନ୍ଧୀ ବହୁତ ଭଲ କାମ କରିଛନ୍ତି। ସାରା ଦେଶରେ ପଦଯାତ୍ରା କରିଥିଲେ। ଏହି ସମୟରେ ତାଙ୍କର ଦାଢ଼ି ବଢିଯାଇଥିଲା। ବର୍ତ୍ତମାନ ସେ ତାଙ୍କ ଦାଢ଼ି ଟିକିଏ ଛୋଟ କରିଦେଇଛନ୍ତି। ଠିକ ଅଛି କିନ୍ତୁ ସେ ବିବାହକୁ ନେଇ ମୋର ପରାମର୍ଶ ଗ୍ରହଣ କଲେନାହିଁ। ରାହୁଲ ବିବାହ କରିବା ଉଚିତ୍। ତଥାପି ସମୟ ଅତିବାହିତ ହୋଇନାହିଁ। ବିବାହ କର, ଆମ କଥା ଶୁଣ। ତୁମ ମା’ ଆମକୁ ଅଭିଯୋଗ କରନ୍ତି ତୁମେ ତାଙ୍କ କଥା ଶୁଣୁନାହଁ, ବିବାହ କରୁନ। ତୁମେ ବିବାହ କର, ଆମେ ବରଯାତ୍ରୀ ଯିବୁ। ଏହାକୁ ନେଇ ରାହୁଲ ଗାନ୍ଧୀ କହିଥିଲେ ଆପଣ କହିଲେଣିମାନେ ବିବାହ କରିବି। ଏକଥା ଶୁଣି ସମସ୍ତେ ହସିଉଠିଥିଲେ।