ନିଆଁଲାଗି ବାଣ ଦୋକାନ ଜଳିଗଲା : ୪ ଜଣ ବର୍ତ୍ତିଗଲେ
ପାରାଦୀପ : ପାରାଦୀପ ନୂଆଗଡ଼ରେ ବାଣ ଦୋକାନରେ ଅଗ୍ନିକାଣ୍ଡ ଘଟିଛି। ଏଇ ଦୁର୍ଘଟଣାରୁ ୪ଜଣ ବ୍ୟକ୍ତି ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି।
ଖବର ଅନୁଯାୟୀ ଶନିବାର ରାତିରେ ଲକ୍ ଥାନା ଅଧିନସ୍ଥ ନୂଆଗଡ଼ର ଏକ ବାଣ ଦୋକାନରେ ଲୋକେ ଶୋଇଥିବା ବେଳେ ଅଚାନକ ନିଆଁ ଲାଗି ଯାଇଥିଲା। ସ୍ଥାନୀୟ ଲୋକେ ତୁରନ୍ତ ନିଆଁକୁ ଆୟତ୍ତ କରିବାରୁ
୪ ଜଣଙ୍କ ଜୀବନ ବଞ୍ଚି ଯାଇଛି। ଦୋକାନରେ ଶୋଇଥିବା ଲୋକଙ୍କର କୌଣସି କ୍ଷୟକ୍ଷତି ହୋଇନାହିଁ। ତେବେ ନିଆଁ କେମିତି ଲାଗିଲା ସ୍ପଷ୍ଟ ହୋଇନଥିବା ବେଳେ ଲକ୍ ଥାନା ପୋଲିସ ଘଟଣାରେ ତଦନ୍ତ କରୁଛି।
