ବେଡ୍ରୁମ୍ ଗଦି ତଳୁ ବାହାରିଲା ୪୨ କୋଟି ଟଙ୍କା
ବେଙ୍ଗାଲୁରୁ : ଆୟକର ବିଭାଗ ଗୁରୁବାର ବିଳମ୍ବିତ ରାତିରେ କରିଥିବା ରେଡ୍ ବେଳେ ପୂର୍ବତନ ମହିଳା କାଉନସିଲରଙ୍କ ବେଡ୍ରୁମ୍ ଗଦି ତଳୁ ୪୨ କୋଟି ଟଙ୍କା ମିଳିଥିବା ଜଣାପଡିଛି। ଏସବୁ ଟଙ୍କା ୨୨ଟି ବାକ୍ସ ରଖାଯାଇଥିଲା।
ଖବର ଅନୁଯାୟୀ ଏହି ଘଟଣାକୁ ନେଇ ରାଜନୀତି ଆରମ୍ଭ ହୋଇଛି। ଭାରତ ରାଷ୍ଟ୍ରିୟ ସମିତି ନେତା ଦାବି କରିଛନ୍ତି ତେଲେଙ୍ଗାନା ଟ୍ୟାକ୍ସ ନାମରେ ବିଲଡର, ସୁନା ବ୍ୟବସାୟୀ ଓ କଣ୍ଟ୍ରାକ୍ଟରଙ୍କଠାରୁ ଏହି ଅର୍ଥ ସଂଗ୍ରହ କରାଯାଇଛି। ରାଜ୍ୟରେ କଂଗ୍ରେସର ନିର୍ବାଚନ ପ୍ରଚାର ପାଇଁ ପଡୋଶୀ ରାଜ୍ୟରୁ ପଠାଯାଇଥିବା ୧୫୦୦ କୋଟିର ଏହା ଅଂଶ। ଏହି ଦଳର କାର୍ଯ୍ୟକାରୀ ସଭାପତି କେ ଟି ରାମା ରାଓ କହିଛନ୍ତି ଆସନ୍ତା ବିଧାନସଭା ନିର୍ବାଚନରେ ଭୋଟ୍ କିଣିବା ପାଇଁ ତେଲେଙ୍ଗାନାରେ କଂଗ୍ରେସ କୋଟି ଟଙ୍କା ଖର୍ଚ୍ଚ କରୁଛି।
ସେହିପରି ତେଲେଙ୍ଗାନା ଅର୍ଥମନ୍ତ୍ରୀ ହରିଶ ରାଓ କହିଛନ୍ତି ନିର୍ବାଚନରେ ଜିତିବା ପାଇଁ ସେମାନେ ତେଲେଙ୍ଗାନାରେ ଟଙ୍କା ବିନିଯୋଗ କରିବାକୁ ଚେଷ୍ଟା କରୁଛନ୍ତି। ସେମାନେ ଟିକେଟ୍ ବିକ୍ରି କରୁଛନ୍ତି କିନ୍ତୁ ଏଠାରେ ଜିତିପାରିବେ ନାହିଁ।
