ଛେଳି ଚୋରକୁ ବେକରେ ଜୋତା ମାଳ
ବାଲେଶ୍ଵର : ଛେଳି ଚୋର ବେକରେ ଜୋତାମାଳ ପିନ୍ଧାଇ ଗାଁ ଦାଣ୍ତରେ ବୁଲାଇଲେ। ଏହି ଘଟଣା ବସ୍ତା ଅଞ୍ଚଳରେ ଘଟିଥିବା ବେଳେ ସୋଶାଲ୍ ମିଡ଼ିଆରେ ଏହାର ଭିଡିଓ ଭାଇରାଲ୍ ହେବାରେ ଲାଗିଛି।
ଖବର ଅନୁଯାୟୀ ଶନିବାର ବସ୍ତାର ସାନଖୁଡି ଗାଁର ବଂଶୀଧର ଦାସଙ୍କ ଘରୁ କରୁଣାକର ଦାସ ଏକ ଛେଳି ଚୋରି ହୋଇଥିଲା। ଏ ସମ୍ପର୍କରେ ଜାଣିପାରି ବଂଶୀଧର ଓ ତାଙ୍କ ପୁଅ କରୁଣାକରକୁ କାବୁକରି ଗାଁ ଲୋକଙ୍କୁ ଡାକି ବୈଠକ କରିଥିଲେ। ଏଥିରେ ସାବ୍ୟସ୍ତ ହୋଇଥିଲା କରୁଣାକର ଛେଳି ଚୋରିଛି। ଏହା ପରେ ମହିଳାମାନେ ଏକଜୁଟ ହୋଇ କରୁଣାକରକୁ ମାଡ ମାରିବା ସହିତ ବେକରେ ଜୋତା ମାଳ ପକାଇ ଗାଁ ଦାଣ୍ତରେ ବୁଲାଇଥିଲେ। ବସ୍ତା ଥାନାରେ ଏ ସମ୍ପର୍କରେ ଅଭିଯୋଗ ହେବାରୁ ପୋଲିସ ଘଟଣାର ତଦନ୍ତ ଚଳାଇଛି।
