ଚନ୍ଦ୍ରରେ ପ୍ରଥମ ପ୍ରତିବନ୍ଧକକୁ ପ୍ରଜ୍ଞାନ ରୋଭର ଅତିକ୍ରମ କଲା
ନୂଆଦିଲ୍ଲୀ : ଚନ୍ଦ୍ରଯାନ-୩ ଅଭିଯାନର ଅଂଶ ବିଶେଷ ରହିଥିବା ପ୍ରଜ୍ଞାନ ରୋଭର ଚନ୍ଦ୍ରରେ ପ୍ରତିବନ୍ଧକକୁ ଅତିକ୍ରମ କରିବାରେ ସଫଳ ହୋଇଛି।
ଖବର ଅନୁଯାୟୀ ଚନ୍ଦ୍ରର ଦକ୍ଷିଣ ମେରୁ ଅଞ୍ଚଳରେ ଅଗଷ୍ଟ ୨୩ରେ ଅବତରଣ କରିଥିବା ରୋଭର ପ୍ରାୟ ୧୦୦ ମିଲିମିଟର ଗଭୀରତା ବିଶିଷ୍ଟ ଚନ୍ଦ୍ର କ୍ରେଟର ଅତିକ୍ରମ କରିଛି। ଏହି ସଫଳତା ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ)ର କଣ୍ଟ୍ରୋଲ ରୁମ୍ରେ ଆତ୍ମବିଶ୍ୱାସ ସୃଷ୍ଟି କରିଥିବା ବେଳେ ରୋଭରକୁ ଏଭଳି ଅନେକ ଚ୍ୟାଲେଞ୍ଜ ଦେଇ ମାର୍ଗଦର୍ଶନ ଓ ତଦାରଖ ଜାରି ରଖିଛି।
ପ୍ରଜ୍ଞାନ ରୋଭରର ଗତିବିଧି ବେଙ୍ଗାଲୁରୁରୁ ନିୟନ୍ତ୍ରିତ। ସତର୍କ ଯୋଜନା ଓ କାର୍ଯ୍ୟକାରିତା ନେଇ ଅନେକ ପଦକ୍ଷେପ ଅନ୍ତର୍ଭୁକ୍ତ। ଡିଜିଟାଲ ଏଲିଭେସନ୍ ମଡେଲ୍ (ଡିଇଏମ୍) ଉତ୍ପାଦନ ପାଇଁ ପ୍ରତ୍ୟେକ ରୁଟ୍ ପ୍ଲାନିଂ ପାଇଁ ଅନବୋର୍ଡ ନେଭିଗେସନ୍ କ୍ୟାମେରା ଡାଟା ଗ୍ରାଉଣ୍ଡକୁ ଡାଉନ୍ ଲୋଡ୍ କରିବାକୁ ପଡ଼ିବ। ତା’ପରେ, ଗ୍ରାଉଣ୍ଡ ଓ ମେକାନିଜିମ୍ ଟିମ୍ ସ୍ଥିର କରନ୍ତି ରୋଭରକୁ ଅନୁସରଣ କରିବା ପାଇଁ କେଉଁ କମାଣ୍ଡ ଦେଇ କେଉଁ ମାର୍ଗ ଗ୍ରହଣ କରିବାକୁ ନିର୍ଦ୍ଦେଶ ଦେବେ ଏବଂ କେଉଁ କମାଣ୍ଡ ଅପଲିଙ୍କ୍ କରିବେ।
ନେଭିଗେସନ କ୍ୟାମେରା ଫଟୋ ପଠାଇବା ସମୟରେ ସର୍ବାଧିକ ଡିଇଏମ ଯାହା ପାଞ୍ଚ ମିଟର ପାଇଁ ସୃଷ୍ଟି କରାଯାଇପାରିବ। ଅର୍ଥାତ୍ ପ୍ରତିଥର ରୋଭରକୁ ଚାଲିବାକୁ ନିର୍ଦ୍ଦେଶ ଦିଆଗଲେ ଏହା ପାଞ୍ଚ ମିଟର ଅତିକ୍ରମ କରିପାରିବ।
