ମହିଳା ସବ ଇନିସ୍ପେକ୍ଟରଙ୍କ ଆତ୍ମହତ୍ୟା ଉଦ୍ୟମ
ବଲାଙ୍ଗୀର : ସଇଁତଲା ଥାନାର ମହିଳା ପୋଲିସ ଅଧିକାରୀ କାଜଲ ବାଗ ଆତ୍ମହତ୍ୟା ଉଦ୍ୟମ କରି ଗୁରୁତର ହୋଇଛନ୍ତି। ତାଙ୍କୁ ବଲାଙ୍ଗୀର ଭୀମଭୋଇ ମେଡ଼ିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରାଯାଇଥିବା ଜଣାପଡିଛି।
ଖବର ଅନୁଯାୟୀ ସଇଁତଲା ଥାନାରେ ଟ୍ରେନି ସବ ଇନିସ୍ପେକ୍ଟର କାଜଲ ବାଗ ଗୋପବନ୍ଧୁପଡ଼ାରେ ଭଡାଘରେ ରହୁଥିଲେ। ଗତକାଲି ରାତିରେ କାହା ସହିତ ଫୋନରେ ପାଟିତୁଣ୍ଡ କରିବା ପରେ ମଶାମରା ତେଲ ପିଇ ଦେଇଥିଲେ। ତାଙ୍କୁ କିଛି ପୋଲିସ କର୍ମଚାରୀ ଗୁରୁତର ଅବସ୍ଥାରେ ଉଦ୍ଧାରକରି ପ୍ରଥମେ ସଇଁତଳା ହସପିଟାଲ ଓ ପରେ ବଲାଙ୍ଗିର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରିଥିଲେ। ଏସ.ଆଇ କାଜଲଙ୍କ ବିଷ ଖାଇବାର କାରଣ ଜଣାପଡ଼ିନଥିଲେ ହେଁ ପ୍ରେମ ଓ ପ୍ରତାରଣାରୁ ସେ ଏପରି ଚରମ ପଦକ୍ଷେପ ନେଇଥିବା ଚର୍ଚ୍ଚା ହେଉଛି।
