କନ୍ଧମାଳ : ବୃଦ୍ଧା ମା’ଙ୍କୁ ହତ୍ୟାକରି ଘର ଭିତରେ ଜାଳିଦେଇଛି ପୁଅ। ଟିକାବାଲି ଥାନା ଅଞ୍ଚଳରେ ଏହି ଘଟଣା ଘଟିଛି। ସାହି ଲୋକେ ବିରୋଧ କରିଥିଲେ ମଧ୍ୟ ପୁଅକୁ ରୋକିବାକୁ ସାହାସ ଜୁଟାଇ ପାରିନଥିଲେ।
ଖବର ଅନୁଯାୟୀ ଟିକାବାଲି ଥାନା ଅନ୍ତର୍ଗତ ବଡ଼ିମୁଣ୍ଡା ଖଜୁରୀସାହିରେ ଅଭିଯୁକ୍ତ ସମୀର ନାୟକ ଶନିବାର ବିଳମ୍ବିତ ରାତିରେ ମା’ ମଞ୍ଜୁଳା ନାୟକଙ୍କୁ ହତ୍ୟା କରିଥିଲା। ଏହି ଘଟଣା ଘଟାଇବା ପରେ ଘରର ଆସବାପତ୍ର ଓ ଜାଳେଣି କାଠରେ ଶବକୁ ଘର ଭିତରେ ପୋଡ଼ି ଦେଇଥିବା ଜଣାପଡ଼ିଛି। ସୂଚନା ପାଇ ପୋଲିସ ଅଭିଯୁକ୍ତ ପୁଅକୁ ଥାନାକୁ ଆଣିଥିବା ଜଣାପଡ଼ିଛି।
