ଗ୍ରହାଧିପତି ସୂର୍ଯ୍ୟ ଆସନ୍ତା ଅକ୍ଟୋବର ୧୮ ତାରିଖରେ ତୁଳା ରାଶିକୁ ଚଳନ କରିବେ। କୁହାଯାଇଛି କୌଣସି ଗ୍ରହ ରାଶିର ନୀଚ ସ୍ଥାନକୁ ଚଳନ କଲେ ସେମାନଙ୍କର ଶୁଭ ପ୍ରଭାବ ହ୍ରାସ ହୋଇଥାଏ। ତେଣୁ ରାଶି ଗୁଡିକ ଉପରେ ଭଲ ଓ ଖରାପ ପ୍ରଭାବ ରହିବ।
ଜ୍ୟୋତିଷ ଶାସ୍ତ୍ର ଅନୁଯାୟୀ ସୂର୍ଯ୍ୟ ପ୍ରତି ମାସରେ ରାଶି ପରିବର୍ତ୍ତନ କରନ୍ତି। ତୁଳା ରାଶିକୁ ଗୋଚର କରି ସୂର୍ଯ୍ୟ ନୀଚ ସ୍ଥାନକୁ ଚଳନ କରିବେ। ସୂର୍ଯ୍ୟ ମାନ, ସମ୍ମାନ, ପରାକ୍ରମ ଓ ଯଶର କାରକ। ସୂର୍ଯ୍ୟଙ୍କ ଏହି ରାଶି ପରିବର୍ତ୍ତନ କିଛି ରାଶିଙ୍କ ଉପରେ କୁପ୍ରଭାବ ପକାଇବ। ଯେଉଁ ବ୍ୟକ୍ତିର ଜାତକରେ ସୂର୍ଯ୍ୟ ଉଚ୍ଚ ସ୍ଥାନରେ ରହିଥାଆନ୍ତି। ସେହି ବ୍ୟକ୍ତିଙ୍କୁ ମାନ, ସମ୍ମାନ ଓ ଉଚ୍ଚ ପଦବୀ ପ୍ରାପ୍ତି ହୋଇଥାଏ। ସୂର୍ଯ୍ୟଙ୍କର ଏହି ଚଳନ ୩ ରାଶି ପାଇଁ ଲାଭଦାୟକ ହେବ।
ମେଷ – ତୁଳା ରାଶିକୁ ସୂର୍ଯ୍ୟଙ୍କ ଚଳନ ରାଶିଚକ୍ରର ସମସ୍ତ ରାଶିଙ୍କୁ ପ୍ରଭାବିତ କରିବାକୁ ଥିବାବେଳେ ମେଷ ରାଶି ପାଇଁ ଏହା ଶୁଭଫଳ ଆଣିବ। ବ୍ୟବସାୟରେ ବିପୁଳ ଲାଭ ଓ ଚାକିରିରେ ପଦୋନ୍ନତି ଯୋଗ ରହିଛି। ପରିବାରର ଆର୍ଥିକ ସ୍ଥିତି ଭଲ ରହିବ। ଗୁରୁଜନଙ୍କଠାରୁ ଆର୍ଥିକ ଲାଭ ପାଇପାରନ୍ତି। ବୈବାହିକ ଜୀବନରେ ମଧୁରତା ଆସିବ। କୋର୍ଟ କଚେରୀ ମାମଲାରେ ମିଳିବ ସଫଳତା।
କର୍କଟ – ଏହି ରାଶିର ବ୍ୟକ୍ତି ବଶେଷଙ୍କ ପାଇଁ ଶୁଭ ରହିବ। ଚାକିରି ଓ ବ୍ୟବସାୟରେ ଅଭିବୃଦ୍ଧି। ପାରିବାରିକ ସମ୍ପର୍କ ମଧୁର ହେବ। ସ୍ୱାସ୍ଥ୍ୟ ଦୃଷ୍ଟିକୋଣରୁ ଶୁଭ ଓ ଭାଗ୍ୟର ପୂର୍ଣ୍ଣ ସମର୍ଥନ ମିଳିବ। ଆର୍ଥିକ ଲାଭର ଯୋଗ ରହିଥିବା ବେଳେ କର୍ମକ୍ଷେତ୍ରରେ ବରିଷ୍ଠ ଅଧିକାରୀଙ୍କଠାରୁ ସମର୍ଥନ ପାଇବେ।
ବିଛା – ଚାକିରି ଓ ବ୍ୟବସାୟରେ ଅଗ୍ରଗତି ସହିତ ଦୀର୍ଘଦିନରୁ ଅଟକି ରହିଥିବା କାର୍ଯ୍ୟ ପୂରଣ ହେବ।ଅନ୍ୟାନ୍ୟ ଉତ୍ସରୁ ଆର୍ଥିକ ଲାଭର ସମ୍ଭାବନା ରହିଛି। ସ୍ଵାସ୍ଥ୍ୟ ଭଲ ରହିବ। ସନ୍ତାନ ମାନଙ୍କଠାରୁ ଶୁଭ ସଂବାଦ ପାଇବେ। ଜୀବନସାଥୀଙ୍କ ସହ ବିବାଦର ସମାଧାନ ଓ ପରିବାର ସଦସ୍ୟଙ୍କ ସହ ସମ୍ପର୍କ ମଜଭୁତ ହେବ।
