ଶ୍ରମିକଙ୍କ ଗଣଦୁଷ୍କର୍ମ : ୨ ନାବାଳିକା ଭଉଣୀ ଅନ୍ତଃସତ୍ତ୍ଵା
ଅଲ୍ୱର୍ : ରାଜସ୍ଥାନ ଅଲ୍ୱର ଜିଲ୍ଲାରେ ଇଟାଭାଟିରେ କାମ କରୁଥିବା ଦୁଇଜଣ ଶ୍ରମିକଙ୍କ ଦୁଷ୍କର୍ମ ଯୋଗୁଁ ଦୁଇ ନାବାଳିକା ଭଉଣୀ ଅନ୍ତଃସତ୍ତ୍ଵା ହୋଇଛନ୍ତି। ପୀଡିତାଙ୍କ ବାପା ଶୁକ୍ରବାର ଏନେଇ ଥାନାରେ ଅଭିଯୋଗ କରିଛନ୍ତି।
ଖବର ଅନୁଯାୟୀ ପୀଡ଼ିତାମାନଙ୍କ ବାପାଙ୍କ ସହିତ ସାପ୍ପି ଓ ଶୁଭାନ୍ ନାମକ ଦୁଇ ଶ୍ରମିକ ଇଟାଭାଟିରେ କାମ କରୁଥିଲେ। ବାପାଙ୍କ ସହ ସମ୍ପର୍କ ଥିବାରୁ ସେଇ ସୁଯୋଗରେ ଦୁଇ ଶ୍ରମିକ ତାଙ୍କ ୧୫ ଓ ୧୩ ବର୍ଷୀୟ ଝିଅଙ୍କ ସହିତ ଦୁଷ୍କର୍ମ କରିଛନ୍ତି। ପେଟ ବ୍ୟଥା ଓ ଅନ୍ୟାନ୍ୟ ସ୍ଵାସ୍ଥ୍ୟ ସମସ୍ୟା ହେଉଥିବା ବଡ଼ଝିଅ କହିବାରୁ ପରେ ବଡ଼ଝିଅକୁ ବାପା-ମାଆ ଡାକ୍ତରଙ୍କ ପାଖକୁ ନେଇଥିଲେ। ହେଲେ ଡାକ୍ତର କହିଥିଲେ ଝିଅ ସାଢ଼େ ୭ ମାସର ଅନ୍ତଃସତ୍ତ୍ଵା।
ବାପା-ମାଆ ପଚାରିବାରୁ ଝିଅ ସାପ୍ପି ଓ ଶୁଭାନ୍ ଦୁଷ୍କର୍ମ କରିଥିବା କହିଥିଲା। ଏହାଛଡା ଦୁହେଁ ସାନଭଉଣୀ ସହିତ ମଧ୍ୟ ଦୁଷ୍କର୍ମ କରିଛନ୍ତି। ଏକଥା କାହାକୁ କହିଲେ ମାରିଦେବେ ବୋଲି ସେମାନେ ଧମକ ଦେଇଥିଲେ। ପୋଲିସ ଦୁଇ ଝିଅଙ୍କର ଡାକ୍ତରୀ ମାଇନା କରାଆଇଥିବା ବେଳେ କାହାରିକୁ ଗିରଫ କରାଯାଇ ନାହିଁ।
