ଝାରସୁଗୁଡାରେ ୬ ସ୍ପଞ୍ଜ ଆଇରନ୍‍ ଓ ୩ଟି ତାପଜ ବିଦ୍ୟୁତ୍‍ କେନ୍ଦ୍ର

ଭୁବନେଶ୍ୱର : ଝାରସୁଗୁଡା ଜିଲ୍ଲାରେ ବର୍ତ୍ତମାନ ୬ଟି ସ୍ପଞ୍ଜ ଆଇରନ୍‍ ଓ ୩ଟି ତାପଜ ବିଦ୍ୟୁତ୍‍ କେନ୍ଦ୍ର କାର୍ଯ୍ୟକ୍ଷମ ରହିଛି। ଏହି କାରଖାନା ଗୁଡିକରୁ ନିର୍ଗତ ବର୍ଜ୍ୟବସ୍ତୁ ଗଚ୍ଛିତ କରିବା ନିମେନ୍ତ ରାଜ୍ୟ ପ୍ରଦୂଣଣ ନିୟନ୍ତ୍ରଣ ବୋର୍ଡ ଅନୁମତି ପ୍ରଦାନ କରିଛନ୍ତି। ଏହି କାରଖାନା ଗୁଡିକ ମଧ୍ୟରେ ଭଗବତୀ ଷ୍ଟିଲ୍‍ ପ୍ରାଇଭେଟ ଲିମିଟେଡ, ଠାକୁର ପ୍ରସାଦ ସାଓ ଆଣ୍ଡ ସନ୍ସ, ଏସ୍‍ଏମ୍‍ସି ପାୱାର, ଜୟ ହନୁମାନ ଉଦ୍ୟୋଗ, ସେଭେନ ଷ୍ଟାର ଷ୍ଟିଲ ଲିମିଟେଡ ଏବଂ ଏଲ୍‍.ଏନ୍‍.ମେଟାଲିକ୍ସ ଲିମିଟେଡ ରହିଛି। ଏହିସବୁ କାରଖାନାର ବର୍ଜ୍ୟବସ୍ତୁ ପ୍ରାୟ ୧୨୪ ଏକର ଜମିରେ ପକାଇବାକୁ ଅନୁମତି ଦିଆଯାଇଛି। ବିଜେପି ବିଧାୟିକା କୁସୁମ ଟେଟେଙ୍କ ପ୍ରଶ୍ନର ଉତ୍ତରରେ ଏହା କହିଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ।

ସେହିପରି ଝାରସୁଗୁଡା ଜିଲ୍ଲାର ବନହରପାଲି ଠାରେ ଥିବା ଓଡିଶା ତାଜପ ବିଦ୍ୟୁତ୍‍ ନିଗମ (ଓପିଜିସି) କାରଖାନାରୁ ବାହାରୁଥିବା ପାଉଁଶ ପକାଇବାପାଇଁ ୪ଟି ସ୍ଥାନ ଚିହ୍ନଟ ହୋଇଛି। ବଞ୍ଜାରୀରେ ଥିବା ବେଦାନ୍ତ କାରଖାନାର ପାଉଁଶ ପକାଇବା ପାଇଁ କଟିକେଲାରେ ୧୯୨ ଏକର ଓ କୁରେବାଗ ଠାରେ ୪୩ ଏକରର ଦୁଇଟି ପାଉଁଶ ପୋଖରୀ ରହିଛି। ଏଠାରେ ଯଥାକ୍ରମେ ୬.୧୭ଲକ୍ଷ ମେଟ୍ରିକ ଟନ୍‍ ଓ ୫.୪୬ଲକ୍ଷ ମେଟ୍ରିକ ଟନ୍‍ ପାଉଁଶ ରଖିବାର ବ୍ୟବସ୍ଥା ଥିବା ମନ୍ତ୍ରୀ ତାଙ୍କ ଉତ୍ତରରେ ଦର୍ଶାଇଛନ୍ତି।

ମତାମତ ଦିଅନ୍ତୁ ।